Яңалыклар
ТӘһСИнең Сәнгать белеме үзәге хезмәткәрләре китаплары төрле бәйгеләрдә жюри тарафыннан югары бәяләнде һәм конкурс дипломнары алды.
Татарстан Республикасы Фәннәр Академиясенең Г. Ибраһимов исемендәге Тел, әдәбият һәм сәнгать институты оештырган татар халкының күренекле мәгърифәтчесе Каюм Насыйри мирасына багышланган халыкара фәнни форумда катнашучылар өчен бай эчтәлекле программа оештырылды.
Күренекле галимнең тарихи ватанына – Татарстанның Зеленодольск районы Кече ...
2025 елның 19–20 июнендә Казанда «Мәгърифәтчелек һәм мәдәниятара диалог: Каюм Насыйри мирасы заманча тикшеренүләр яктылыгында» халыкара фәнни форумы узды. Чара истәлекле датага – танылган татар галиме һәм педагогы Каюм Насыйриның 200 еллык юбилеена багышланган иде.
19 июнь көнне Татарстан Республикасы композиторлар берлеге залында ТР ФА Г. Ибраһимов исем. ТӘһСИнең Сәнгать белеме үзәге фәнни хезмәткәре, музыка белгече Юнысова Гүзәл Фәйзрахман кызы ТР һәм РФ композиторлар берлеге әгъзасы итеп сайланды.
2025 елның 19–20 июнендә Татарстан башкаласында «Мәгърифәтчелек һәм мәдәниятара диалог: Каюм Насыйри мирасы заманча тикшеренүләр яктылыгында» халыкара фәнни форумы узачак. Чара истәлекле датага – танылган татар галиме һәм педагогы Каюм Насыйриның 200 еллык юбилеена багышланган.
2025 елның 14 июнендә Саха (Якутия) Республикасы башкаласының Комсомол мәйданында XXV Федераль Сабантуй бәйрәме булды. ТӘһСИнең халык иҗаты бүлеге мөдире, филология фәннәре докторы Ләйлә Дәүләтшина әлеге чарада татар халык бәйрәме Сабантуй уеннарын һәм ярышларын оештыру буенча экспертлар төркеме составында катнашты.
9–11 июньдә «Pax Tatarica: урта гасыр чыганаклары һәм тарихи контекст» дип аталган VIII Халыкара Алтын Урда форумы узды. Форум Болгар һәм Казан шәһәрләрендә үтте: беренче көнне Болгарда Форумның тантаналы ачылышы һәм пленар, секция утырышлары оештырылды, калган көннәрдә Форум үз эшен Казанда дәвам итте.
9 июньдә Төрки халыкларның «Нәүрүз» XVII Халыкара театр фестивале ачылды. Фестивальнең тәнкыйтьчеләр коллегиясенә ТӘһСИнең Сәнгать белеме үзәге хезмәткәрләре: әйдәп баручы фәнни хезмәткәр Айгөл Салихова һәм өлкән фәнни хезмәткәр Елена Шевченко керде.
29 майда Иститутның халык иҗаты бүлеге баш фәнни хезмәткәре, филология фәннәре докторы Лилия Хатип кызы Мөхәммәтҗанова рецензияләнә торган, SCOPUSның 1 квартиленә кертелгән «Эпосоведение» журналының (Якутск) халыкара редколлегия әгъзасы буларак, М.К. Аммосов исемендәге Төньяк-көнчыгыш Федераль университеты Олонхо фәнни-тикшеренү институтының...
2025 елның 26 маенда Мордовия Республикасының Темников, Атюрьев, Ельников районнарындагы татар торак пунктларында Г. Ибраһимов исем. Тел, әдәбият һәм сәнгать институтының комплекслы экспедициясе старт алды.